AZƏRBAYCAN GİMNASTLARI RUSİYA TOPLANIŞLARINDA
Kişi qrupları arasında Rüstəm Nəcəfquliyev, İlham Abbasov, Vüqar Əhmədov və Fərid Məmmədovdan ibarət dördlük (Nizami rayonunun idman məktəbi), kişi cütləri arasında Emin Yarəhmədov və Elçin Məmmədov (gimnastika məktəbi) qalib gəlmişlər. Qadınlar arasında yarışlarda Səminə İbrahimova və Viktoriya Maksimova (“Neftçi”) ən yaxşı cütlük, İnara Haşimi, Könül Fərəcova və Dilarə Sultanova (Nizami rayonunun idman məktəbi) isə ən yaxşı qadın üçlüyü olmuşdur.
Kişilərdən ibarət qrup və Ayla Əhmədova–Dinara Abbasova cütlüyü aprelin 25-də Moskva vilayətinin Odintsovo şəhərinə ikihəftəlik təlim-məşq toplanışlarına yola düşərək, iyun ayında Portuqaliyada keçiriləcək dünya çempionatına hazırlaşacaqlar. Azərbaycanın tamblinq üzrə komandası da may ayında Fransada keçiriləcək Avropa çempionatı ərəfəsində toplanışlara gedəcəkdir. Milli yığmamızın üzvləri Səid Səlimov, Hafiz Rzayev və Rahib Əliyev 10 gün ərzində Stavropoldakı məşq bazasında ustalıqlarını artıracaqlar.
Bölmənin digər xəbərləri
