Azərbaycan-Gürcüstan enerji sisteminin perspektivləri ilə bağlı İşçi Qrupunun iclası keçirilib
Bakı, 19 aprel, AZƏRTAC
Ötən il dekabrın 18-də “Azərenerji” ASC və “Gürcüstan Dövlət Elektrosistem” səhmdar cəmiyyətlərinin rəhbərləri arasında imzalanan “Azərbaycan-Gürcüstan enerji sisteminin perspektivləri” ilə bağlı memoranduma uyğun olaraq bu gün tərəflər arasında İşçi Qrupunun ilk iclası keçirilib.
ASC-dən AZƏRTAC-a bildirilib ki, iclasda Azərbaycanla-Gürcüstan arasında mövcud olan və 1958-ci ildə tikildiyindən istismar müddətini başa vuran 330 kilovoltluq 1 dövrəli Qardabani elektrik hava xəttinin 2 dövrəli formada yenidən qurulması müzakirə edilib.
Eyni zamanda, “Azərbaycan-Gürcüstan enerji sisteminin perspektivləri” ilə bağlı saziş layihəsinin digər detalları barədə də fikir mübadiləsi aparılıb.
Bölmənin digər xəbərləri
