AZƏRBAYCAN İDMANÇILARI BELARUSDA MƏŞQ TOPLANIŞINDA İŞTİRAK EDƏCƏKLƏR
Azərbaycan güləşçiləri Minsk yaxınlığındakı “Stayki” idman kompleksində məşq toplanışında iştirak edəcəklər. Bu barədə razılaşma martın 29-da Belarusun idman və turizm naziri Aleksandr Qriqoryev ilə Azərbaycan gənclər və idman nazirinin müavini İsmayıl İsmayılovun görüşündə əldə olunmuşdur.
Nazirliyin mətbuat xidmətindən AZƏRTAC-ın müxbirinə bildirmişlər ki, Mingəçevirdə avarçəkmə bazasının tikintisi başa çatdıqdan sonra Belarus idmançıları Azərbaycana gələcəklər.
Belarus naziri demişdir ki, onun ölkəsi 2016-cı ilin Olimpiya oyunlarının keçirilməsinə Azərbaycanın namizədliyi məsələsi BOK-da müzakirə edilərsə, bunu dəstəkləyəcəkdir.
Görüşdə martın 28-də Azərbaycanın Gənclər və İdman Nazirliyi ilə Belarus İdman və Turizm Nazirliyi arasında bədən tərbiyəsi və idman sahəsində əməkdaşlığa dair imzalanmış proqramın gerçəkləşdirilməsinə dair tədbirlər planı müzakirə olunmuşdur.
Bölmənin digər xəbərləri
