Azərbaycan idmançısı sahil avarçəkməsi üzrə dünya çempionatında gümüş medal qazanıb
Bakı, 10 oktyabr, AZƏRTAC
Azərbaycan avarçəkəni Diana Dimçenko Uelsin Pembrukşir şəhərində keçirilən sahil avarçəkməsi üzrə dünya çempionatında gümüş medal qazanıb.
AZƏRTAC Azərbaycan Kanoe və Avarçəkmə Federasiyasına istinadla xəbər verir ki, A finalda 17 idmançı ilə mübarizə aparan avarçəkənimizi dünya çempionluğundan cəmi 9 saniyə ayırıb. 25 dəqiqə, 05,86 saniyəyə finiş xəttinə çatan D.Dimçenko fəxri kürsünün ikinci pilləsinə qalxıb.
Qeyd edək ki, D.Dimçenko 2018-ci və 2019-cu illərdə dünya çempionatının qalibi, 2021-ci ildə gümüş mükafatçısı olub.
Bölmənin digər xəbərləri
