AZƏRBAYCAN İLƏ KÜVEYTİN İNFORMASİYA SAHƏSİNDƏ ƏMƏKDAŞLIQ İMKANLARI MÜZAKİRƏ OLUNMUŞDUR
Şeyx Mübarək Dueyc Əl-Sabahı KUNA-nın baş direktoru təyin edilməsi və Ramazan bayramı münasibətilə təbrik edən Ş.Abdullayev, Azərbaycanın Küveyt ilə bütün sahələrdə əməkdaşlığın genişləndirilməsində maraqlı olduğunu demişdir.
Şeyx Mübarək Dueyc Əl-Sabah ölkəsinin Azərbaycan ilə əlaqələrin inkişafına xüsusi diqqət yetirdiyini diqqətə çatdırmışdır.
Səfir Ş.Abdullayev Azərbaycanda, ümumiyyətlə regionda baş verən hadisələr, Ermənistan-Azərbaycan, Dağlıq Qarabağ münaqişəsi, ölkəmizdə aparılan islahatlar, respublikamızın təşəbbüsü və rəhbərliyi ilə həyata keçirilən irimiqyaslı enerji və nəqliyyat layihələri, habelə dövlətlərarası münasibətlərin hazırkı vəziyyəti barədə məlumat vermişdir.
Diplomat ölkələrimiz arasında informasiya sahəsində əməkdaşlığın yaradılmasının, Azərbaycanda və Küveytdə gedən proseslərin hər iki ölkənin ictimaiyyətinə çatdırılmasının əhəmiyyətini vurğulamış, bu sahədə əməkdaşlıq üçün hüquqi bazanın yaradılması məqsədi ilə dövlət informasiya agentlikləri arasında saziş və ya müqavilənin imzalanmasının məqsədəuyğun olduğunu bildirmişdir.
Bölmənin digər xəbərləri
