MƏDƏNİYYƏT
Azərbaycan İstiqlal Muzeyi onlayn təlim təşkil edib
![](/files/galleryphoto/2020/1/1200x630/15877342562988851788_1200x630.jpg)
![](/files/galleryphoto/2020/1/1200x630/15877342564306819687_1200x630.jpg)
Bakı, 24 aprel, AZƏRTAC
Ölkəmizdə koronavirus (COVID-19) infeksiyası səbəbindən tətbiq edilən xüsusi karantin rejimi dövründə İstiqlal Muzeyi virtual şəkildə fəaliyyət göstərir, müxtəlif layihələr reallaşdırır, virtual təlim - treninq keçirir, eyni zamanda, onlayın ekskursiyalar təşkil olunur.
AZƏRTAC xəbər verir ki, aprelin 24-də İstiqlal Muzeyi tərəfindən virtual olaraq Bərdə Regional Mədəniyyət İdarəsinin nəzdində fəaliyyət göstərən Bərdə, Yevlax, Tərtər rayonlarının, Mingəçevir şəhər tarix - diyarşünaslıq və Heydər Əliyev mərkəzlərinin əməkdaşları üçün "Fond işinin təşkili və idarə edilməsi" mövzusunda təlim-treninq keçirilib. Treninq zamanı fond işinin təşkili istiqamətində görülən işlər barədə məlumat verilib.
Muzeyin baş mühafizə, Əməkdar mədəniyyət işçisi Aida Axundovanın moderatoru olduğu treninq zamanı fond işinin idarə olunması, fondda olan eksponatların havalandırılması, mühafizə olunması haqqında məlumat verilib. Sual-cavab şəklində davam edən treninq zamanı iştirakçıları maraqlandıran suallar cavablandırılıb, onların iş prinsipi ilə tanışlıq olub və müzakirələr aparılıb.