Azərbaycan karateçiləri 54-cü Avropa çempionatında üç medal qazanıblar
Bakı, 30 mart, AZƏRTAC
Azərbaycan karateçilərinin İspaniyanın Quadalaxara şəhərində keçirilən 54-cü Avropa çempionatında qazandıqları medalların sayı üçə çatıb.
AZƏRTAC xəbər verir ki, komandamızı katada təmsil edən Roman Heydərov üçüncü yer uğrunda almaniyalı İlya Smorqunerle ilə mübarizə aparıb. 25,9 xal yığan idmançımız bürünc medala layiq görülüb.
Qeyd edək ki, bundan əvvəl milli komandanın lideri Rafael Ağayev (75 kq) gümüş, Asiman Qurbanlı (+84 kq) bürünc medal qazanıblar.
Avropa çempionatı martın 31-də başa çatacaq.
Bölmənin digər xəbərləri
