Azərbaycan Memarlıq və İnşaat Universitetində Xocalı soyqırımı qurbanlarının xatirəsi anılmışdır
Bakı, 24 fevral (AZƏRTAC). Azərbaycan Memarlıq və İnşaat Universitetində (AzMİU) Xocalı soyqırımı qurbanlarının xatirəsi anılmışdır.
AZƏRTAC xəbər verir ki, AzMİU-nun rektoru, Milli Məclisin deputatı Gülçöhrə Məmmədova Xocalı soyqırımını XX əsrin ən böyük faciəsi və hərbi cinayətlərindən birincisi adlandırmışdır.
Universitet qadınlar şurasının sədri, “Kitab Evi” İctimai Birliyinin rəhbəri, filologiya üzrə fəlsəfə doktoru Salatın Əhmədova soyqırımının dünyada rəsmən tanıdılması üçün fəaliyyətin genişləndirilməsi və sürətləndirilməsinin, gənclərin informasiya əsrində düşmənlərlə virtual aləmdə mübarizəsinin vacibliyini bildirmişdir.
Sonra Azərbaycan Dövlət Gənc Tamaşaçılar Teatrının aktyorları filologiya üzrə fəlsəfə doktoru, şairə Fəridə Ləmanın Mübariz İbrahimova həsr etdiyi “Təəssüb” poeması əsasında hazırlanmış “Mübarizli Vətən” ədəbi-bədii kompozisiyasını nümayiş etdirmişlər.
Kompozisiyanın quruluşçu rejissoru Xalq Artisti Ağaxan Salmanlıdır.
Bölmənin digər xəbərləri
