Azərbaycan millisi bu gün Rusiya yığmasını qəbul edəcək
Bakı, 25 noyabr, AZƏRTAC
Qadın futbolçulardan ibarət Azərbaycan milli komandası dünya çempionatının seçmə mərhələsində bu gün növbəti oyununu keçirəcək.
AZƏRTAC xəbər verir ki, komandamız “Dalğa Arena”da Rusiya millisi ilə qarşılaşacaq.
Qarşılaşmanı Rumıniyadan olan hakimlər briqadası idarə edəcək. Oyunun baş hakimi İonela Alina Peşu olacaq. Ona Petruta Claudia İugulescu və Mihaela Elena Tepusa kömək edəcəklər. Dördüncü hakim funksiyasını Kristina Mariana Trandafir yerinə yetirəcək.
Qeyd edək ki, millimiz daha əvvəl Danimarka (0:8), Malta (1:2), Rusiya və Monteneqroya (hər iki oyun 0:2) məğlub olub.
Bölmənin digər xəbərləri
