AZƏRBAYCAN OMBUDSMANI MDB PARLAMENTLƏRARASI ASSAMBLEYASININ GENİŞ İCLASINDA İŞTİRAK EDƏCƏKDİR
Ombudsman Aparatından AZƏRTAC-a bildirmişlər ki, dekabrın 4-də Sankt-Peterburqda MDB Parlamentlərarası Assambleyasının XXIV geniş iclası keçiriləcəkdir. Azərbaycan Respublikasının insan hüquqları üzrə müvəkkili (ombudsman) Elmira Süleymanova iclasda iştirak edəcəkdir.
İclasın gündəliyinə insan hüquq və azadlıqları ilə bağlı kompleks problemlər üzrə məsələlər daxil edilmişdir. Bundan əlavə, iştirakçılar MDB Parlamentlərarası Assambleyasının sosial siyasət və insan hüquqları daimi komissiyasının hazırladığı “İnsan hüquqları üzrə müvəkkilin statusu haqqında” model qanunun layihəsini müzakirə edəcəklər.
Bölmənin digər xəbərləri
