Azərbaycan ötən il Gürcüstanın əsas təbii qaz təminatçısı olub
Tbilisi, 1 iyun, AZƏRTAC
Azərbaycan 2019-cu ildə Gürcüstanın əsas təbii qaz təminatçısı olub.
AZƏRTAC xəbər verir ki, bu barədə Gürcüstanın Energetika və Su Təminatı üzrə Milli Tənzimləmə Komissiyasının ötən il üzrə hesabatında deyilir.
Bildirilir ki, keçən il Gürcüstan 2,5 milyard kubmetr təbii qaz istehlak edib. Bu göstərici 2018-ci illə müqayisədə 15 faiz çoxdur.
Gürcüstan təbii qaza olan tələbatının 99,8 faizini idxalın, qalan hissəsini isə daxili hasilatın hesabına təmin edib. Gürcüstanın 2019-cu ildə idxal etdiyi təbii qazın 93 faizi Azərbaycanın payına düşüb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
