Azərbaycan Özbəkistan ilə tekstil sektorunda işgüzar dialoq perspektivlərini müzakirə edəcək
Bakı, 21 avqust, AZƏRTAC
Avqustun 25-i saat 11:00-da “Made in Uzbekistan Textile” onlayn biznes forumunun plenar iclası keçiriləcək.
“Caspian Event Organisers” şirkətindən AZƏRTAC-a bildirilib ki, iclasda Azərbaycan və Özbəkistan arasında tekstil sektorunda işgüzar dialoq perspektivləri müzakirə ediləcək.
Qeyd edək ki, plenar iclasda Özbəkistanın Xarici İşlər Nazirliyi, Özbəkistanın ölkəmizdəki səfirliyi, Kiçik və Orta Biznesin İnkişafı Agentliyi, Azərbaycanda İxracın və İnvestisiyaların Təşviqi Fondu, “Uztekstilprom” Assosiasiyası, Özbəkistanın İnvestisiya və Xarici Ticarət Nazirliyi nəzdində İxracın Təşviqi Agentliyi və Azərbaycanda Qadın Sahibkarlığının İnkişafı Assosiasiyasının nümayəndələrinin iştirakı gözlənilir.
Bölmənin digər xəbərləri
