AZƏRBAYCAN PARLAMENTİNİN 90 İLLİK YUBİLEYİNƏ HƏSR OLUNMUŞ FUTBOL TURNİRİ DAVAM EDİR
AZƏRTAC xəbər verir ki, Bakı Dövlət Universitetinin futbol meydançasında Milli Məclisin və icra hakimiyyəti orqanlarının komandalarının Azərbaycan Parlamentinin 90 illiyinə həsr edilmiş “Parlament kuboku-2008” futbol turnirinin qrup görüşləri başa çatmışdır.
Birinci mərhələnin sonuncu görüşlərində Əmək və Əhalinin Sosial Müdafiəsi Nazirliyinin komandası Təhsil Nazirliyinin (4:3), Fövqəladə Hallar Nazirliyinin idmançıları Kənd Təsərrüfatı Nazirliyinin (3:2), Rabitə və İnformasiya Texnologiyaları Nazirliyinin futbolçuları isə Mədəniyyət və Turizm Nazirliyinin (4:2) təmsilçilərini məğlub etmişlər.
İkinci tura vəsiqə qazanan səkkiz komanda mübarizəni davam etdirir. Bunlar Milli Məclisin, Prezidentin İcra Aparatının, Ədliyyə, Ekologiya və Təbii Sərvətlər, Vergilər, Fövqəladə Hallar, Kənd Təsərrüfatı, Daxili İşlər nazirliklərinin komandalarıdır.
Turnirə iyunun 11-də yekun vurulacaqdır.
Bölmənin digər xəbərləri
