Azərbaycan Prezidenti mətbuat konfransında olduqca mühüm mesajlar verdi
Bakı, 1 mart, AZƏRTAC
Tarix heç zaman heç nəyi, o cümlədən xalqın adı ilə bağlı olan hadisələri unutmur. Son 120 ilin hadisələri də həm tarixdə yaşadılır, həm də düşüncələrdə. Xələflər gördüklərini, şahidi olduqlarını sələflərinə danışırlar. Tarixi faktlar, hadisələr təsdiqləyir ki, siyasi məqsədlərə görə ermənilərin Qafqaza, Azərbaycana köçürülməyə başladığı vaxtlar soyqırımlarının, milli zəmində qırğınların başlanğıcı olub. Azərbaycan Prezidenti İlham Əliyev xalqın adı ilə bağlı olan bütün tarixi hadisələrə beynəlxalq ictimaiyyəti əhatə edən auditoriyada münasibət bildirir. Bu münasibət təkcə həmin hadisə ilə məhdudlaşmır, həm də dövlətin cari və perspektiv strategiyasını əhatə edir. Ötən ilin bilavasitə Azərbaycanla bağlı olan ən mühüm beynəlxalq hadisəsi torpaqlarımızın işğaldan azad edilməsi, ərazi bütövlüyümüzün bərpa edilməsidir. Dövlətimizin başçısı fevralın 26-da yerli və xarici media nümayəndələri üçün keçirdiyi mətbuat konfransında da bu məsələlər şərh edildi. Mətbuat konfransı 30 il əvvəl törədilmiş faciənin - Xocalı soyqırımının başvermə səbəblərini, mexanizmini bir daha xatırlatdı.
Bunu AZƏRTAC-a açıqlamasında Milli Məclisin deputatı Səbinə Xasayeva deyib.
Deputat bildirib ki, bu xatırlatma dünyanın diqqətini bir daha Azərbaycan gerçəkliklərinin dərkinə, ona dövlət səviyyəsində münasibət bildirilməsi zərurətinə yönəltdi. Xocalı soyqırımını Ermənistan faşizminin təzahürü kimi təqdim edən ölkə başçısı qeyd etdi ki, Xocalı soyqırımının törədilməsi ilə Ermənistan, əslində, Azərbaycan xalqının iradəsini qırmaq istəyirdi. Təsadüfi deyil ki, Ermənistan rəhbərləri - hərbi cinayətkarlar xarici jurnalistlərə müsahibə verərkən, bu barədə sualı cavablandırarkən qürur hissi ilə qeyd edirdilər ki, bəli, Ermənistan bu hərbi cinayəti dinc əhaliyə qarşı törədib. Ona görə ki, Azərbaycan xalqı görsün, Ermənistan rəhbərliyi dinc əhaliyə də əl qaldıra bilər.
Səbinə Xasayeva deyib: “30 ildən sonra Prezident, Müzəffər Ali Baş Komandan İlham Əliyevin rəhbərliyi altında rəşadətli ordumuz Ermənistanın növbəti irimiqyaslı təxribatının qarşısını qətiyyətlə aldı. Əks-hücum nəticəsində Azərbaycan Ordusu Vətən müharibəsində həm torpaqlarımızı işğaldan azad etdi, həm də Ermənistanın elan etmədən başladığı müharibədə şəhid olanların, bu sıradan Xocalı faciəsinin qurbanlarının qisasını yetərincə aldı. Ölkə başçısının qeyd etdiyi kimi, Xocalı qurbanlarının intiqamı döyüş meydanında alındı.
“Ukrayna - 24” telekanalının əməkdaşı Prezidentimizə müraciət edərək onun Vətən müharibəsi təcrübəsinin dünya ictimaiyyəti üçün böyük maraq doğurduğunu qeyd etdi. Bu, hər birimizi qürurlandırır. Qürur duyuruq ki, bizim belə Prezidentimiz və Ali Baş Komandamız var. Vətən müharibəsində bir rus jurnalisti Şuşanın işğaldan azad edilməsi ilə bağlı fikirlərini belə ifadə etmişdi: “Belə döyüş, dövlət, Vətən sevgisi görən olubmu, demək çətindir. Dağ yuxarı, şəhidi çiynində, döyüşə-döyüşə qan-tər içində qalxırdı Azərbaycan ordusu. Nə yaralını, nə şəhidini əldən buraxmırdı”. Xarici jurnalistin bu döyüş təəssüratı, döyüş təsviri dünya müharibələr tarixinin bəlkə də ən heyrətləndirici təsviridir. Ukraynalı jurnalist sualının davamı olaraq dünya ictimaiyyətinə belə bir heyrət yaşadan ordunun sərkərdəsinin Zəfərdən sonrakı bərpa dövrü üçün fikirlərini öyrənmək istədikdə, dövlətimizin başçısının cavabı inamlı və əhatəli oldu. Dövlətimizin başçısı bildirdi ki, 30 il ərzində öz torpaqlarından qovulmuş insanların sülh şəraitində və təhlükəsiz yaşamaları üçün bütün maksimum imkanlardan istifadə ediləcək. Bu cavab ölkə başçısının Xocalı soyqırımı günündə yerli və xarici media nümayəndələri üçün keçirdiyi mətbuat konfransında da insan amilinə, Azərbaycan vətəndaşına yüksək səviyyədə diqqət və qayğısının təsdiqidir.
Deputat diqqətə çatdırıb ki, Böyük Britaniyanın “Teleqraf” qəzetinin əməkdaşının “Sizcə, davamlı sülhü təmin etmək, gələcəkdə belə soyqırımlarının qarşısını almaq olarmı?” sualı, əslində, Azərbaycanın bəşəri siyasətinin nədən ibarət olduğunu bir daha eşitmək istəyi kimi səslənib və Prezident İlham Əliyevin cavabı britaniyalı jurnalisti də, onun həmkarlarını da maraqlandıran sualları aydınlığa çıxardı. Dövlətimizin başçısı bəyan etdi ki, biz davamlı sülhə nail olmaq istəyirik və diqqətə çatdırdı ki, üçtərəfli Bəyanat imzalanan və Ermənistan işğal edilən bölgələrdən qoşunların çıxarılmasına təminat verən kimi biz müharibəni dayandırdıq. Azərbaycan Prezidenti birmənalı olaraq bildirdi ki, status məsələsi ümumiyyətlə, gündəlikdən çıxmalıdır. Biz Dağlıq Qarabağ ifadəsini də işlətməməliyik. Bu, Ermənistanda revanşizm fikrinə düşənlərə də bir mesaj idi.
Bölmənin digər xəbərləri
