AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Milli bayram münasibətilə Sizə, Azərbaycan hökumətinə və xalqına ən səmimi təbriklərimi bildirməkdən böyük məmnunluq duyuram.
Bizim nəsil yoxsulluğu aradan qaldırmağa qadir biliyə, texnologiya və vasitələrə malik ilk nəsildir. Bizim üçün fəaliyyət nümunəsi olan Minilliyin bəyannaməsi vardır. Töhfələr vermək üçün vəziyyəti yaxşı olan Birləşmiş Millətlər Təşkilatı kimi təşkilatlarımız da vardır. Ona görə də, gəlin, eramız haqqında yalnız təhlükələr əsri kimi deyil, həm də uzun müddət çalışdığımız məqsədlərə nail olmaq üçün yeni və çox maraqlı imkanlar açan əsr kimi düşünək. Gəlin eyni dərəcədə iş haqqında düşünək və bu çox mühüm təşəbbüs üçün lazım olan siyasi iradəni və vasitələri səfərbər edək.
Belə ümidverən ruh yüksəkliyi ilə inkişaf və sülh naminə həyata keçirdiyimiz ümumi, qlobal missiyada Azərbaycan hökuməti və xalqı ilə sıx işimizin davamını çox səbirsizliklə gözləyirəm. Bu mühüm milli bayram münasibətilə ən xoş arzularımı qəbul etməyinizi xahiş edirəm.
Zati-aliləri, Sizə ən yüksək ehtiram bəslədiyimə əmin olmağınızı rica edirəm.
Kofi A.Annan
Birləşmiş Millətlər Təşkilatının
baş katibi
Bölmənin digər xəbərləri
