AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Azərbaycan Xalq Cümhuriyyətinin ildönümü münasibətilə öz adımdan və bütün polyak xalqı adından Sizi və bütün Azərbaycan xalqını ürəkdən təbrik edir və ən xoş arzularımı çatdırıram.
Polşanı və Azərbaycanı qarşılıqlı hörmət, rəğbət və müstəqillik uğrunda aparılmış mübarizədə ümumi tarixi təcrübə birləşdirir. Avropa və dünya məkanında sülhün və təhlükəsizliyin formalaşmasında əsasları hələ 1918-ci ildə qoyulmuş demokratik Azərbaycanın rolunu biz yüksək qiymətləndiririk.
Əminəm ki, Sizin ölkəniz qonşularınızla və beynəlxalq aləmlə yaxşı münasibətlərdə olmaqla müstəqilliyinizin möhkəmləndirilməsi işini davam etdirəcək və bizim ölkələrimiz arasında olan dostluq əlaqələri daha da inkişaf edəcək, bunun nəticəsində ictimai-siyasi və iqtisadi sahələrdə yeni dəyərlər meydana gələcəkdir.
Cənab Prezident, Sizə uğurlar və hərtərəfli əmin-amanlıq arzulayıram.
Hörmətlə,
Aleksandr Kvasnevski
Polşa Respublikasının Prezidenti
Bölmənin digər xəbərləri
