AZƏRBAYCAN RƏSSAMININ TALLİNNDƏ SƏRGİSİ AÇILMIŞDIR
Xatırladaq ki, R.Quliyevin Bakıda bir neçə, Türkiyədə isə bir sərgisi keçirilmişdir. Türk-Qafqaz Xalqları Assosiasiyasının prezidenti Yaqub Yaqubovun sözlərinə görə, bu, Azərbaycan müəllifləri əsərlərinin Estoniyada artıq 4-cü sərgisidir.
Xalça sərgisində rəssamın boyakarlıq, tətbiqi sənət sahəsində işləri də nümayiş etdirilir. Ekspozisiyada təqdim olunan ilk əsər yundan deyil, toxumlardan düzəldilmiş təlxək papağı qoymuş oğlandır. Əsərdə lalə, kələm, darı, bibər və digər toxumlardan bacarıqla istifadə olunmuşdur. Rövşənin toxumlardan düzəldilmiş çoxlu portreti var, bu avtoportret isə onun ilk işlərindəndir. Sulu boya ilə çəkilmiş nar şəkli də diqqəti cəlb edir. Rövşən deyir ki, nar azərbaycanlılar üçün məhəbbət rəmzidir.
Sərgidə, əsasən, kiçikölçülü xalçalar nümayiş etdirilir. Rövşən Quliyev Tallinnə xovlu və xovsuz xalçaların müxtəlif nümunələrini aparmışdır. O, Qarabağ xalçaçılıq məktəbinə üstünlük verir. Deyir ki, Qarabağ məktəbi üçün naxışların təbii rəngləri və çoxlu ilmə ilə səciyyəvidir.
Bölmənin digər xəbərləri
