Bakı, 7 may, AZƏRTAC

Azərbaycan şahmatçıları Daşkənddə keçirilən Aqzamov memorialı yarışında mübarizəni davam etdirirlər.

AZƏRTAC xəbər verir ki, 15-ci dəfə keçirilən yarışın güclü A turnirində iştirak edən təmsilçilərimizdən ən yaxşı nəticəni Vüqar Əsədli göstərib. Ötən 5 turda 3 xal toplayan şahmatçımız bu nəticə ilə liderdən cəmi 1xal geri qalaraq 3-16-cı yerləri bölüşür. Digər şahmatçılarımızdan Vüqar Manafov, Məhəmməd Muradlı 2,5 xal əldə ediblər. Misrətdin İsgəndərov 2, Şahin Vəliyev isə 1 xala malikdirlər.

On turdan ibarət olan yarış İsveçrə sistemi üzrə keçirilir.

Mayın 11-dək davam edəcək turnirdə 66 şahmatçı iştirak edir ki, onlardan da 16-sı qrosmeysterlərdir..