AZƏRBAYCAN SƏMİMİ, DÜZGÜN VƏ AÇIQ SİYASƏT YERİDİR

23.10.2006 [00:22]
Çap et
A⁺ A^-

AZƏRTAC xəbər verir ki, Azərbaycan Prezidenti İlham Əliyev Qətərin “Əl-Cəzirə” teleyayım korporasiyasına müsahibəsində ölkənin daxili və xarici siyasətindən danışaraq demişdir ki, biz Azərbaycanda səmimi siyasət yeridirik. Siyasətimizdə heç bir ikimənalılıq yoxdur - həm rəsmi görüşlərdə, həm bəyanatlarımızda, həm qəbul etdiyimiz qərarlarda biz daim həm ictimaiyyət üçün, həm də xarici tərəfdaşlarımız üçün düzgün, açıq siyasət yeridirik.

Rusiya, ABŞ, Türkiyə, digər qonşu ölkələrlə strateji tərəfdaşlıq münasibətlərinə və beynəlxalq təşkilatlarla əməkdaşlıq məsələlərinə toxunan Azərbaycan Prezidenti demişdir ki, strateji tərəfdaşlıq və müxtəlif sahələrdə əməkdaşlıq, münasibətlərimiz qarşılıqlı surətdə faydalı və regionun inkişafı üçün çox vacibdir. Biz bu ölkələrlə siyasi, iqtisadi münasibətlər sahəsində, energetika layihələrində fəal əməkdaşlıq edirik. Avropa İttifaqı ilə münasibətlərimiz bu gün yeni mərhələyə keçir. Avropa İttifaqı Cənubi Qafqaz üçün, o cümlədən Azərbaycan üçün tərəfdaşlıq və qonşuluq proqramı təklif etmişdir. Energetika sahəsində də yaxşı perspektivlər açılır. İslam Konfransı Təşkilatında mövqelərimiz möhkəmlənir. Hazırda Azərbaycan burada nazirlər səviyyəsində həmsədrdir.

AZƏRBAYCAN SƏMİMİ, DÜZGÜN VƏ AÇIQ SİYASƏT YERİDİR

MÜƏLLİFLƏ ƏLAQƏ

Bölmənin digər xəbərləri