AZƏRBAYCAN TAEKVONDOÇULARI İSVEÇİN AÇIQ ÇEMPİONATINDA QƏLƏBƏ QAZANMIŞLAR
İsveçin Trelleborq şəhərində keçirilən taekvondo üzrə açıq ölkə çempionatında iştirak edən Azərbaycan idmançıları yüksək nailiyyətlər əldə etmişlər.
Azərbaycan Taekvondo Federasiyasından AZƏRTAC-a bildirmişlər ki, on iki nəfərdən ibarət milli yığma komandamızın 9 üzvü Vətənə medalla dönmüşdür. Onlardan Tərlan Muradov (48 kq), Asim Xudiyev (51 kq), Rövşən Cəfərov (55 kq), Fatma İbrahimova (42 kq) və Aynurə Məmmədova (55 kq) qızıl, Aysel Əhmədova (44 kq), Şəhrun Yusifova (47 kq), Cəfərisadıq Əliyev (78 kq), gümüş, Emin Musayev (68 kq) isə bürünc medal qazanmışlar.
İkigünlük yarışlarda ümumi hesabda birinci yeri İsveçin, ikinci yeri isə Azərbaycanın yığma komandaları tutmuşdur.
Azərbaycanın beynəlxalq dərəcəli hakimi Elşən Quliyev oyunları idarə edənlər sırasında olmuşdur.
Bölmənin digər xəbərləri
