Azərbaycan Voleybol Federasiyasının həkimi beynəlxalq yarışa təyinat alıb
Bakı, 17 avqust, AZƏRTAC
Azərbaycan Voleybol Federasiyasının (AVF) həkimi, Avropa Voleybol Konfederasiyasının (CEV) Tibb Komissiyasının üzvü Vüsalə Kazımova beynəlxalq yarışa təyinat alıb.
Federasiyadan AZƏRTAC-a verilən məlumata görə, həmyerlimiz oğlan və qız voleybolçular arasında keçiriləcək çimərlik voleybolu üzrə U-20 Avropa çempionatında iştirak edəcək.
Kazımova 17-20 avqustda Latviyanın Riqa şəhərində təşkil olunacaq turnirin oyunlarına CEV-in tibbi nümayəndəsi olaraq nəzarət edəcək.
Bölmənin digər xəbərləri
