AZƏRBAYCANDA FİTOSANİTAR SİSTEM GÜCLƏNDİRİLİR
Kənd Təsərrüfatı Nazirliyinin bitki mühafizəsi və karantin şöbəsindən AZƏRTAC-a bildirmişlər ki, BMT-nin Ərzaq və Kənd Təsərrüfatı Təşkilatı (FAO) ölkənin fitosanitar imkanlarına yenidən baxış keçirmək və bu işi gücləndirmək üçün Azərbaycan hökuməti ilə əməkdaşlığa başlamışdır. Bu əməkdaşlıq “Azərbaycanda fitosanitar sistemin gücləndirilməsi” texniki layihəsi çərçivəsində həyata keçirilir.
Məqsəd mövcud qanunvericiliyi yenidən nəzərdən keçirərək, onu beynəlxalq sazişlərə, Beynəlxalq Bitki Mühafizəsi Konvensiyasının fitosanitar tədbirlərinə dair standartlara uyğunlaşdırmaqdır.
Layihəni 2004-cü ilin birinci yarısınadək həyata keçirmək nəzərdə tutulur.
Bölmənin digər xəbərləri
