Azərbaycanda tələbələr təbiəti qorumaq üçün şəbəkə yaratmışlar
Bakı, 13 aprel (AZƏRTAC). Avropa Komissiyasının “Gənclər fəaliyyətdə” proqramı çərçivəsində Azərbaycan Tələbələr Birliyinin (ATB) “Gənclər ekologiyanı qoruyur” adlı layihəsi könüllülərin iştirakı ilə davam edir.
AZƏRTAC xəbər verir ki, aprelin 13-də Media Mərkəzində Azərbaycanda ekoloji şəbəkə yaratmaq və tələbələrin bu sahədə biliklərini artırmaq üçün mətbuat konfransı keçirilmişdir.
Rumıniyalı könüllü Cecila Popa görülmüş işlər haqqında məlumat verərək 30-dan çox qurum və şəxslə görüşlərin təşkil olunduğunu vurğulamışdır.
ATB-nin baş katibi Vüqar Rüstəmli bildirmişdir ki, məqsəd QHT, dövlət qurumları, şirkətlər və beynəlxalq təşkilatların nümayəndələrindən, fərdi şəxslərdən ibarət vahid şəbəkə yaratmaqdır.
Ətraf mühitin mühafizəsi və iqlim dəyişikliyi riskinin azaldılmasında mətbuatın rolu diqqətə çatdırılmış, jurnalistlərin sualları cavablandırılmışdır.
Bölmənin digər xəbərləri
