Azərbaycandan ixrac edilən xam neft və neft məhsullarının dəyəri 4,5 milyard dolları ötüb
Bakı, 20 may, AZƏRTAC
Yanvar-aprel aylarında Azərbaycandan ixrac edilən bitumlu süxurlardan alınmış xam neft və xam neft məhsulları 18,4 faiz artaraq 8 milyon 203,8 min ton təşkil edib. İxrac edilən neft və xam neft məhsullarının dəyəri isə 4,54 faiz artaraq 4 milyard 562,6 milyon dollar olub.
AZƏRTAC xəbər verir ki, bu barədə Dövlət Gömrük Komitəsinin (DGK) açıqladığı statistikada məlumat verilib.
Xatırladaq ki, 2024-cü ilin eyni aylarında ölkədən 6 milyon 928,4 min ton xam neft və neft məhsulları ixrac olunub, ixracın dəyəri 4 milyard 364,5 milyon dollar təşkil edib.
Bu ilin dörd ayında neft bitumunun ixracı isə 8,8 dəfə artaraq 2 milyon 227 min ton təşkil edib. İxrac edilən məhsulun dəyəri isə 582,6 milyon dollar olub. Ötən ilin müvafiq ayında ölkədən 253,2 min ton neft bitumu ixrac edilib, ixrac edilən məhsulun dəyəri isə 46,8 milyon dollar olub.
Bölmənin digər xəbərləri
