AZƏRBAYCANIN FUTBOL KLUBLARI TÜRKİYƏDƏ TƏLİM-MƏŞQ TOPLANIŞINDADIR
Türkiyənin Antalya şəhərində təlim-məşq toplanışında olan Azərbaycan çempionu “Neftçi” komandası orada Avropanın bir neçə komandası ilə yoldaşlıq görüşləri də keçirəcəkdir.
“Neftçi” klubundan AZƏRTAC-a bildirmişlər ki, fevralın 7-də Vətənə dönəcək komandamız iki əcnəbi futbolçu alacaqdır.
Xatırladaq ki, futbol üzrə ölkə çempionatının ikinci dövrəsinə hazırlıq məqsədi ilə indi Antalyada olan Sumqayıtın “Gənclər Birliyi”, Ağdamın “Qarabağ”, Yevlaxın “Karvan” və paytaxtın “Bakı” klubları yoxlama oyunları və təlim-məşq toplanışlarını uğurla davam etdirirlər.
Bu günlərdə Türkiyədən qayıdan “Xəzər-Lənkəran” klubu isə heyətindəki braziliyalı futbolçularla vidalaşmış və üç yeni türk futbolçusu almışdır.
Bölmənin digər xəbərləri
