AZƏRBAYCANIN GƏNC ŞAHMATÇISI DÜNYA ÇEMPİONATINDA LİDERLİK EDİR
AZƏRTAC xəbər verir ki, Vyetnamda keçirilən gənc və yeniyetmə şahmatçılar arasında dünya çempionatında artıq 6 tur oynanılmışdır. Dünya çempionu tacı uğrunda mübarizədə 18 azərbaycanlı şahmatçı 8-18 yaş qruplarında mübarizə aparırlar.
Azərbaycan şahmatçılarından ən yüksək nəticəni Günay Məmmədzadə (8 yaş) göstərir. O, bütün görüşlərini udaraq (6 oyundan 6 xal) turnir cədvəlinin önündə gedir və ən yaxın izləyicilərini 1 xal qabaqlayır.
Digər həmyerlilərimizdən Abdulla Qədimli (8 yaş) 5 xal, Çingiz Məhərrəmli (8 yaş), Çingiz Rzayev (12 yaş), Ülvi Bacarani (14 yaş) və Vasif Durarbəyli (16 yaş) 4,5 xal toplayıblar.
İsveçrə sistemi ilə keçirilən turnirdə 11 tur oynanılacaqdır.
Yarışlar oktyabrın 30-da başa çatacaqdır.
Bölmənin digər xəbərləri
