AZƏRBAYCANIN GƏNC VOLEYBOLÇULARI AVROPA ÇEMPİONATINDA NÖVBƏTİ QƏLƏBƏLƏRİNİ QAZANMIŞLAR
Bakı, 9 yanvar (AZƏRTAC). Azərbaycanın gənc qızlardan ibarət yığma voleybol komandası Türkiyədə Avropa çempionatının qrup seçmə mərhələsinin ikinci qarşılaşmadan sonra liderlər sırasına yüksəlmişdir. Azərbaycan voleybolçuları ikinci görüşdə İsrail komandasını 3:0 (25:22, 25:16, 25:14) hesabı ilə məğlub etmişlər.
Xatırladaq ki, turnirin ilk günü voleybolçularımız Slovakiya millisindən güclü olmuşlar - 3:0. Hazırda hərəyə 4 xal toplamış Türkiyə və Azərbaycan yığmaları qrupda birinci - ikinci yerləri bölüşürlər. Azərbaycan komandasının növbəti rəqibi Türkiyə millisi olacaqdır.
Bölmənin digər xəbərləri
