Azərbaycanın həndbol komandalarının avrokubok yarışlarındakı rəqibləri müəyyənləşəcək
Bakı, 16 iyul, AZƏRTAC
İyulun 17-də Avropa Həndbol Federasiyasının (EHF) ofisində avrokubok yarışlarının yeni mövsümünün püşkü atılacaq.
Azərbaycan Həndbol Federasiyasından AZƏRTAC-a verilən məlumata görə, püşkatmadan sonra üç komandamızın rəqibi müəyyənləşəcək.
Qeyd edək ki, qadınlardan ibarət “Azərsu” kollektivi “EHF kuboku”, “Azəryol” komandası isə “Çağırış kuboku” uğrunda turnirdə mübarizə aparacaq. Kişilər arasında “Çağırış kuboku” uğrunda yarışlarda isə ölkəmizi “Bakı” həndbolçuları təmsil edəcəklər.
Bölmənin digər xəbərləri
