Azərbaycanın qadın taekvondoçuları Cənubi Koreyada hazırlıq keçirlər
Bakı, 29 sentyabr, AZƏRTAC
Qadın taekvondoçulardan ibarət Azərbaycan milli komandası Cənubi Koreyada təlim-məşq toplanışındadır.
Federasiyadan AZƏRTAC-a verilən məlumata görə, Yonqin Şəhər Universitetində hazırlıq keçən komandaya baş məşqçi Sun Mi Park və Sənan Həşimov rəhbərlik edirlər.
Məşqlərə Minaya Əkbərova, Səmmərux Osmanova, Səidə Əliyeva və Fatimə Məcidova cəlb olunublar.
Toplanışda Azərbaycan yığması ilə yanaşı, Kanada, Seul, Jeju və digər yerli bölgələrdən tələbə taekvondoçular da iştirak edirlər.
Komanda məskunlaşdığı Çunçeon şəhərinin akademiyasında da hazırlıq keçir. Oktyabrın 9-dək davam edəcək toplanışın növbəti günlərində sınaq döyüşlərinin keçirilməsi planlaşdırılır.
Bölmənin digər xəbərləri
