Azərbaycanla Belarusun ticarət dövriyyəsi 122 milyon dolları ötüb
Minsk, 20 iyul, AZƏRTAC
Yanvar-iyun aylarında Azərbaycan və Belarus arasında ticarət dövriyyəsi 122 milyon dolları ötüb.
Bu barədə AZƏRTAC-a Belarus Dövlət Statistika Komitəsindən məlumat verilib. Hesabat dövründə Belarusdan Azərbaycana ixracın dəyəri 56,4 milyon dollar, ölkəmizdən Belarusa isə 65,7 milyon dollar təşkil edib.
Qeyd edək ki, 2019-cu ildə Azərbaycanla Belarus arasında idxal-ixrac əməliyyatlarının dəyəri 227 milyon dolları ötüb, bu da 2018-ci illə müqayisədə 23 milyon dollar çoxdur.
Emil Hüseynli
AZƏRTAC-ın xüsusi müxbiri
Minsk
Bölmənin digər xəbərləri
