Azərbaycanla Ukrayna arasında ticarət dövriyyəsi 580 milyon dolları ötüb
Kiyev, 19 dekabr, AZƏRTAC
Bu ilin yanvar-noyabr aylarında Azərbaycanla Ukrayna arasında ticarət dövriyyəsi 580 milyon dolları ötüb.
AZƏRTAC xəbər verir ki, bu dövr ərzində Azərbaycan bu ölkədən 228,5 milyon dollarlıq məhsul idxal edib. Ölkəmizin Ukraynaya ixrac etdiyi məhsulun dəyəri isə 351,6 milyon dollar olub.
Xatırladaq ki, ötən il Azərbaycanla Ukrayna arasında ticarət dövriyyəsi 922,5 milyon dollar təşkil edib.
Ukrayna postsovet məkanında Azərbaycanla ticarət dövriyyəsinə görə Rusiyadan sonra ikincidir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
