AZƏRBAYCANLI ŞAHMATÇILAR İRANDA BEYNƏLXALQ TURNİRDƏ UĞURLA ÇIXIŞ ETMİŞLƏR
Azərbaycan şahmatçıları - qrossmeyster Qədir Hüseynov və beynəlxalq dərəcəli usta Nicat Məmmədov İranda “Fəcr” 13-cü beynəlxalq turnirində uğurla çıxış etmişlər. Gənclər, İdman və Turizm Nazirliyindən AZƏRTAC-ın müxbirinə bildirmişlər ki, Qədir Hüseynov 9 turun nəticələrinə görə birinci yerə, Nicat Məmmədov isə üçüncü yerə çıxmışdır. N.Məmmədov, həmçinin beynəlxalq qrossmeyster normasını yerinə yetirmişdir. Digər şahmatçımız, beynəlxalq dərəcəli usta Fərid Abbasov 10-cu yeri tutmuşdur.
Turnirdə İran, Azərbaycan, Rusiya, Özbəkistan, Türkmənistan, Birləşmiş Ərəb Əmirlikləri və Ermənistandan 221 idmançı iştirak edirdi.
Bölmənin digər xəbərləri
