AZƏRBAYCANLI TƏLƏBƏ BEYNƏLXALQ FORUMDA İŞTİRAK ETMİŞDİR
AZƏRTAC-ın müxbiri xəbər verir ki, foruma İtaliya, İspaniya, Fransa, Belarus, Danimarka, Estoniya, Finlandiya, Moldova, Azərbaycan, Makedoniya, Rumıniya, Rusiya və Ukraynadan 35-ə yaxın gənc qatılmışdı. İştirakçılar ölkələrində gənclərin problemləri, ictimai-siyasi proseslərdə iştirakı, gənclər təşkilatlarının yaradılma mexanizmi, həmçinin dövlətin gənclərə qayğısı barədə fikir mübadiləsi aparmışlar.
Tədbir zamanı işçi qruplarında “Narkomaniya və gənclik”, “QİÇS-lə mübarizə”, “Gənclərin təhsilə cəlb olunması”, “Beynəlxalq tələbə mübadiləsi”, “Gənclər və onların siyasi bilikləri” və başqa mövzularda seminarlar keçirilmişdir.
Müzakirələrdə fəal iştirak edən İradə Rəhimova Azərbaycan gəncliyi, mədəniyyətimiz, adət-ənənələrimiz haqqında danışmış, Ermənistan-Azərbaycan, Dağlıq Qarabağ münaqişəsini, el-obasından didərgin düşmüş qaçqınların problemlərini diqqət mərkəzinə çəkmişdir. Yığıncaqda gələcək əməkdaşlıq və birgə işlərlə bağlı məsələlər də müzakirə olunmuşdur.
Forumun növbəti görüşü iyun ayında iştirakçı dövlətlərin birində keçiriləcəkdir.
Bölmənin digər xəbərləri
