AZERCELL YENİ TARİF PAKETİ TƏQDİM ETMİŞDİR

15.05.2006 [11:28]
Çap et
A⁺ A^-

“Azercell Telekom” Birgə Müəssisəsinin mətbuat xidmətindən AZƏRTAC-a bildirmişlər ki, fakturalı xətt abonentləri üçün sərfəli yeni tarif paketi istifadəyə verilmişdir. “Optimist” adlanan yeni paketdə danışıq qiymətləri onun aylıq həcmindən asılıdır. Yəni ən çox danışan abonentin 1 dəqiqəlik danışığına tətbiq olunan tarif, ən az danışan abonentə tətbiq olunan tarifdən təqribən iki dəfə aşağıdır. Bu, abonentə öz istəyinə, danışıq limitinə və alıcılıq qabiliyyətinə görə seçmək imkanı yaradır.

Tarif paketinə qoşulmaq üçün Azercell Ekspress ofislərinə müraciət etmək və yaxud 650 qısa nömrəsinə “optimist” yazıb mesaj göndərmək lazımdır.

“Ekonom”, “Standart”, “Biznes” paketlərinə keçmək və ya qayıtmaq üçün də eyni qaydada (paketin adını yazaraq 650 qısa nömrəsinə göndərmək) müraciət etmək olar. Yeni tariflərə görə, şəbəkədaxili zənglərdə qiymətlər vaxt intervalına görə fərqlənir.

“Optimist” paketində ay ərzində istifadə 2 AZN məbləğini keçməzsə, abonentdən əlavə 2 AZN tutulacaqdır. Bu paketdə pik/qeyri-pik fərqləndirməsi də nəzərdə tutulmur.

AZERCELL YENİ TARİF PAKETİ TƏQDİM ETMİŞDİR

MÜƏLLİFLƏ ƏLAQƏ

Bölmənin digər xəbərləri