“Azəriqaz”ın baş direktoru Göyçayda vətəndaşların müraciətlərini dinləyəcək
Bakı, 24 sentyabr, AZƏRTAC
SOCAR-ın “Azəriqaz” İB-nin baş direktorunun Göyçay rayonunda vətəndaşlarla görüşü sentyabrın 26-sı saat 11:00-da Gənclər Mərkəzində baş tutacaq.
“Azəriqaz”ın mətbuat xidmətindən AZƏRTAC-a bildirilib ki, görüş zamanı Göyçay və Ağdaş rayonlarından olan sakinlərin müraciətləri dinləniləcək.
“Vətəndaşların diqqətinə çatdırırıq ki, görüşdə ünvanlanan müraciətlər yalnız “Azəriqaz” İB-nin fəaliyyəti ilə bağlı olmalıdır. Görüşə dair əlavə məlumat almaq istəyənlər Ağsu Regional qaz istismarı İdarəsinə (tel: 050-845-75-15; 050-845-91-01) müraciət edə bilərlər”,- deyə məlumatda qeyd olunub.
Bölmənin digər xəbərləri
