“Azərtütün” tərəfindən indiyədək şimal-qərb rayonlarında 111,9 hektar sahədə tütün əkilib
Zaqatala, 14 aprel, AZƏRTAC
Builki mövsümdə “Azərtütün” ASC tərəfindən respublikamızın şimal-qərb bölgəsinə daxil olan Balakən, Zaqatala, Qax, Şəki və Oğuz rayonlarında 804 hektaradək sahədə “Virciniya botaniki” növlü tütün əkilməsi nəzərdə tutulur. Təsərrüfatlarda artıq tütün əkininə start verilib. Mövsümün ilk günlərində rayonlarda 111,9 hektar sahədə tütün əkilib.
Səhmdar cəmiyyətdən AZƏRTAC-ın bölgə müxbirinə bildirilib ki, tütün istehsalı ilə əlaqədar bölgə üzrə 33 fermerlə müqavilə bağlanılıb. Fermerlərlə bağlanılan müqavilələr üzrə tütün əkiləcək sahə 381,3 hektar təşkil edir. Eyni zamanda, şirkətin özü tərəfindən bu il şimal-qərb bölgəsində 422,9 hektar sahədə tütün əkilməsi planlaşdırılır.
Bu günədək Zaqatala rayonunda 49,5 hektar, Şəkidə 32,3 hektar, Balakən rayonunda isə 30,1 hektar sahəyə tütün şitilləri köçürülüb və işlər davam etdirilir.
Müxbir – Mustafa Dadaşov
Bölmənin digər xəbərləri
