BAKI İDMAN SARAYINDA MİNİ-FUTBOL TURNİRİ BAŞLANMIŞDIR
AZƏRTAC xəbər verir ki, noyabrın 13-də Bakı İdman Sarayında Azərbaycan-Türk Sənayeçi və İş Adamları Beynəlxalq Cəmiyyətinin (TÜSİAB) sayca 5-ci mini-futbol turnirinə start verilmişdir.
Turnir TÜSİAB-ın yaranmasının 13-cü ildönümünə həsr olunmuşdur.
Mini-futbol turnirinin açılış mərasimində folklor qrupları konsert proqramı ilə çıxış etmişlər.
Sonra turnirin ilk oyunları başlanmışdır. Birinci olaraq meydançaya “AVİS”-“Spark Beton” və “ Concord MMC” -“Aral Qroup” komandaları çıxmışlar.
Yarış iki mərhələni əhatə edəcəkdir. İlk mərhələdə iki qrupa bölünmüş komandalar öz aralarında ən güclü 2 komandanı müəyyənləşdirəcəklər. Daha sonra yarımfinal, 3-cü yer uğrunda və final oyunları keçiriləcəkdir.
İlk üç yeri tutan komandalar TÜSİAB-ın kuboku və fəxri diplomları ilə təltif olunacaqlar.
Yarışı AFFA-nın hakimlər briqadası idarə edir.
Bölmənin digər xəbərləri
