BAKI-TBİLİSİ-CEYHAN NEFT BORU KƏMƏRİNİN AÇILIŞ MƏRASİMİ İYULUN 13-DƏ OLACAQDIR
Əsrimizin ən nəhəng layihələrindən biri olan bu boru xətti Cənubi Qafqazı, Orta Asiyanı Türkiyə, Qərb bazarları ilə əlaqələndirən Şərq-Qərb enerji dəhlizinin vacib hissəsidir. Kəmərin uzunluğu 1776 kilometrdir. Onun 1076 kilometri Türkiyə ərazisindədir. BTC bölgə əhalisinin rifahına xidmət edəcəkdir.
Xatırladaq ki, kəmərlə nəql olunan ilk neft bu il mayın 28-də Ceyhan terminalına çatmışdır. İyunun 4-də həmin neftlə yüklənmiş ilk tanker yola düşmüşdür. İyunun 16-da Qazaxıstanın da BTC-yə qoşulması barədə müqavilə imzalanmışdır.
Ceyhanda keçiriləcək açılış mərasimində müxtəlif ölkələrin dövlət və hökumət başçılarının, xarici işlər və energetika nazirlərinin, bir sira beynəlxalq qurumların təmsilçilərinin iştirakı nəzərdə tutulmuşdur.
Bölmənin digər xəbərləri
