Bakıda Azərbaycan–Latviya biznes forumu keçiriləcəkdir
Bakı, 4 iyun (AZƏRTAC). İyunun 6-dan 8-dək Bakıda yaşıl iqtisadiyyat üzrə Azərbaycan-Latviya biznes forumu keçiriləcəkdir.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirmişlər ki, 2009-cu ildə imzalanmış “Azərbaycan Respublikası Hökuməti və Latviya Respublikası Hökuməti arasında ətraf mühitin mühafizəsi sahəsində əməkdaşlığa dair Saziş”in tələblərinə uyğun olaraq keçiriləcək forumun işində Latviyanın ətraf mühit və regional inkişaf naziri Raymonds Veyonis və bu ölkə şirkətlərinin nümayəndələri iştirak edəcəklər.
Forumda Azərbaycan və Latviya arasında ətraf mühitin mühafizəsi sahəsində gələcək əməkdaşlıq məsələləri müzakirə ediləcək, təcrübə mübadiləsi aparılacaq, müasir texnologiyalar, görülən işlər nümayiş etdiriləcəkdir.
Bölmənin digər xəbərləri
