Bakıda Dünya Futvolley Federasiyasının Baş Assambleyasının açılışı olub
Bakı, 12 aprel, AZƏRTAC
Bakıda Dünya Futvolley Federasiyasının (Footvolley Worldwide) ilk dəfə keçirilən Baş Assambleyasının açılış mərasimi olub.
AZƏRTAC xəbər verir ki, tədbir Azərbaycanın Dövlət Himninin səsləndirilməsi ilə başlayıb.
Azərbaycan Futnet və Beynəlxalq Futvolley Federasiyasının prezidenti Vüsal Xəlilov bu idman növünün inkişafına, dünya miqyasında tanınmasına töhfə vermək üçün Assambleyada iştirak edən ölkələrin nümayəndələri ilə birgə səylə çalışacaqlarını bildirib.
Sonra Rusiya, Pakistan, Hindistan, İran, Moldova, Türkiyə, Qırğızıstan, Qazaxıstan və Birləşmiş Ərəb Əmirliklərindən olan nümayəndələr futvolleydə daha çox uğura nail ola bilmək üçün dəstəklərini əsirgəməyəcəklərini bildirib, gələcək hədəflərdən bəhs ediblər.
Ardınca qurumun il ərzində gördüyü işlər, maliyyə hesabatı, yeni təqvim ilindəki hədəflər barədə məlumat verilib, oktyabr ayında Dubayda keçiriləcək Dünya Korporativ Oyunlarının təşkili haqqında müzakirələr aparılıb.
Bu gün, həmçinin yeni üzvlərin müraciətinə baxılacaq, İcraiyyə Komitəsinə və digər strukturlara seçkilər keçiriləcək.
Qeyd edək ki, Assambleyanın hər 5 ildən bir keçirilməsi nəzərdə tutulur.
Bölmənin digər xəbərləri
