MƏDƏNİYYƏT
Bakıda üçüncü Mövsüm Turizm Sərgisi açılacaq
Bakı, 11 noyabr, AZƏRTAC
Noyabrın 14-də “Park Bulvar” alış-veriş mərkəzində Mədəniyyət və Turizm Nazirliyinin dəstəyi ilə Azərbaycan Turizm Assosiasiyası (AZTA) tərəfindən təşkil olunan III Mövsüm Turizm Sərgisi keçiriləcək.
Nazirlikdən AZƏRTAC-a bildirilib ki, bu sərginin təşkilində məqsəd turlar və istirahətin təşkili, mövsümi təkliflərin geniş kütlələrə çatdırılması, ən yaxşı səyahət variantlarınin fərdi istəklərə və büdcəyə uyğun seçilməsini təmin etməkdir. Əlbəttə ki, bu hadisə, böyük auditoriyanın potensial müştərilərini əldə etmək və turizm bazarını genişləndirmək üçün vacibdir.
Sərginin açılışı günü “Park Bulvar” alış-veriş mərkəzinin girişində ziyarətçilərə AzTA-nın üzvü olan 20-dən çox turist şirkətlərin stendlərində müxtəlif xarici istiqamətlərə turizm paketləri və eləcə də ölkə daxili otellərdə Yeni il bayramı proqramı təklif olunacaq. Ziyarətçilər mükafatlı müsabiqələrdə iştirak etməklə iki nəfərlik ölkə daxili və xarici ölkələr üçün Yeni il turları əldə edə bilərlər. Sərgidə ABŞ-ı təmsil edən caz qrupu və məşhur müğənni Gabriel Stravelli və caz triosu (Jim Riedl piano, Patrick O'Leary bas, İordaniya Young zərb alətləri) iştirak edəcək.
Qeyd edək ki, bu sərgi birinci dəfə 2014-ci ildə keçirilib.