BAKIDA UŞAQLARI BEYNƏLXALQ MÜDAFİƏ GÜNÜ MÜNASİBƏTİLƏ BAYRAM TƏDBİRİ KEÇİRİLMİŞDİR
AZƏRTAC-ın müxbiri xəbər verir ki, ARUT-un sədri, Milli Məclisin deputatı Gülər Əhmədova, Ekson Azərbaycan Əməliyyat Şirkətinin nümayəndəsi Leyla Rzaquliyeva uşaqları bayram münasibətilə təbrik etmiş, onlara nailiyyətlər arzulamışlar. ARUT-un Ekson Əməliyyat Şirkəti ilə birlikdə həyata keçirdikləri layihələrin əhəmiyyətindən danışaraq bildirmişlər ki, belə tədbirlərin keçirilməsindən məqsəd uşaqların təhsilini təkmilləşdirmək və asudə vaxtlarının səmərəli təşkil edilməsi üçün şərait yaratmaqdır.
Bayram tədbirində asfalt üzərində rəsm sərgisi keçirilmiş, qaliblərə mükafatlar təqdim olunmuşdur.Tədbir bayram konserti ilə davam etdirilmişdir.
Bayram tədbirində Sabunçu, Yasamal, Qaradağ, Səbail, Şuşa, Laçın və s. rayonlardan olan 1000-ə yaxın uşaq iştirak etmişdir.
