Bakıdakı Rus Evi tərəfindən təşkil olunan müsabiqə və olimpiadaların qalibləri Dağıstana yola düşüblər
Bakı, 3 avqust, AZƏRTAC
Bakıdakı Rus Evi tərəfindən təşkil olunan müsabiqə və olimpiadaların qalibləri “Salam, Rusiya!” proqramı çərçivəsində Dağıstan Respublikasına yola düşüblər.
Rusiya İnformasiya-Mədəniyyət Mərkəzinin mətbuat xidmətindən AZƏRTAC-a bildirilib ki, bir həftə ərzində uşaqlar mədəni və ekskursiya proqramları ilə Moskva və Mahaçqalada olacaqlar.
“Salam, Rusiya!” proqramı 2014-cü ildən “Rossotrudniçestvo” tərəfindən həyata keçirilir. Hər il dünyanın müxtəlif güşələrindən 14-19 yaş arası olan 700-dən çox həmvətənlər tarixi vətənin müasir həyatı ilə tanış olmaq, çoxmillətli mədəniyyəti dərindən hiss etmək, rus dilində təcrübə toplamaq və digər ölkələrdə dost tapmaq üçün Rusiyaya gəlirlər.
Bölmənin digər xəbərləri
