“BAKU CUP-2007” TURNİRİNİN İŞTİRAKÇILARINI DÖRDDƏBİR FİNAL GÖZLƏYİR
Qadınlar arasında böyük tennis üzrə “BAKU CUP-2007” 2-ci beynəlxalq turnirində hadisələr sürətlə inkişaf edir. AZƏRTAC xəbər verir ki, yarışlarda iştirak edən 32 tennisçidən 24-ü sentyabrın 5-də yarışmanı dayandırmalı olmuşdur. Təəssüf ki, onların arasında dörddəbir finala çıxmaq uğrunda oyunda ukraynalı Marina Melnikovaya 0:6, 1:6 hesabı ilə məğlub olan Sevil Əliyeva da var.
Turnirin lideri olan Gürcüstan idmançısı, ötənilki finalçı Sofiya Şapatova oyundan-oyuna ustalığını artırır. O, belaruslu Anna Malaxovaya 6:1, 6:1 hesabı ilə qalib gəlmişdir. Budəfəki turnirdə Gürcüstan tennisçiləri irəlidədirlər. Sentyabrın 6-da keçiriləcək dörddəbir finala çıxan 8 idmançının 5-i ölkənin nümayəndəsidir.
Qoşa yarışlarda ilk gözlənilməz nəticə əldə edilmişdir. Lider S.Şapatova həmyerlisi ilə birlikdə Ukrayna duetinə məğlub olmuşdur.
Turnirin sonuna 3 gün qalmışdır.
Bölmənin digər xəbərləri
