BALACA RƏSSAMIN FƏRDİ SƏRGİSİ AÇILMIŞDIR
Tanınmış rəssam İnna Kostinanın təşkil etdiyi “7 əlvan kəpənək” studiyasında təsviri sənətin sirlərini öyrənən, həm respublikamızda, həm də xarici ölkələrdə bir sıra nüfuzlu uşaq müsabiqələrinin iştirakçısı, Rəssamlar İttifaqının və Türkiyənin Azərbaycandakı səfirliyinin birgə təşkilatçılığı ilə keçirilən “Yurdumuza bahar gəlir” bədii yaradıcılıq müsabiqəsinin qalibi Bəhramın sərgidə 37 rəsm əsəri nümayiş etdirilir. Onların əksəriyyəti kağız üzərində quaşla, bir hissəsi isə digər texniki üsullarla işlənmişdir.
Təsviri sənətin bütün janrlarına maraq göstərən Bəhramın bugünkü kompozisiyasında portretlər diqqəti daha çox cəlb edir. Bu silsilədən “lələkli qadın”, “Qaraçı qız”, “Qımızı donlu qadın” əsərləri xüsusilə şeçilir.
Qalereyanın direktoru Eldəniz İbrahimov, İnna Kostina, Rəssamlar İttifaqının katibi Ağəli İbrahimov və başqaları açılış mərasimində çıxış edərək, sərgidəki əsərlərin mövzu genişliyindən danışmış, balaca müəllifə uğurlar arzulamışlar.
Sərgi dekabrın 13-dək davam edəcəkdir.
Bölmənin digər xəbərləri
