Balakən rayon sakinindən yarım kiloqramadək marixuana aşkarlanaraq götürülüb
Bakı, 18 mart, AZƏRTAC
Balakən Rayon Polis Şöbəsi əməkdaşlarının əldə etdikləri məlumat əsasında keçirdikləri əməliyyat tədbiri zamanı narkotik vasitələrin qanunsuz dövriyyəsində şübhəli bilinən şəxs - əvvəllər məhkum olunmuş Tural Məmətiyev saxlanılıb.
Daxili İşlər Nazirliyinin mətbuat xidmətinin Şəki regional qrupundan AZƏRTAC-a bildiriblər ki,
axtarış zamanı onda yeddi qram marixuana aşkarlanıb. Əməliyyat tədbirlərinin davamı olaraq T.Məmətiyevin Qullar kəndində yaşadığı evə də baxış keçirilib və oradan 450 qram qurudulmuş marixuana aşkarlanaraq götürülüb.
Faktla bağlı Balakən Rayon Polis Şöbəsində cinayət işi başlanıb.
Bölmənin digər xəbərləri
