REGİONLAR
BALAKƏNDƏ “AQROLİZİNQ”İN NÜMAYƏNDƏLİYİ AÇILMIŞDIR
Balakən rayonunun Qullar kəndində “Aqrolizinq” Açıq Səhmdar Cəmiyyətinin yerli nümayəndəliyi - aqroservis filialı fəaliyyətə başlamışdır. Filial müxtəlif növ kənd təsərrüfatı texnikası və gübrələrin lizinq yolu ilə hüquqi və fiziki şəxslərə icarəyə verilməsini və satışını təşkil edəcəkdir.
Rayon icra hakimiyyətindən AZƏRTAC-ın müxbirinə bildirmişlər ki, bu məqsədlə nümayəndəliyə Çinin istehsalı olan bir ədəd traktor, kotan, toxumsəpən və otbiçən aqreqat, habelə 55 ton azot və superfosfat gübrələri gətirilmişdir. Bu ilin sonunadək filiala daha bir neçə traktor, kombayn və müxtəlif qoşqu aqreqatının gətirilməsi də planlaşdırılır. Yeni xidmət yerli fermerlər arasında böyük maraq doğurmuşdur.
Bölmənin digər xəbərləri
