BALAXANIDA TULLANTILARIN AVTOMATİK ÇEŞİDLƏNMƏSİ MƏNTƏQƏSİ TİKİLƏCƏKDİR
Bakı, 28 sentyabr (AZƏRTAC). Balaxanı qəsəbəsində tullantıların avtomatik çeşidlənməsi məntəqəsi tikiləcəkdir.
Bu haqda “Təmiz şəhər” Açıq Səhmdar Cəmiyyətinin sədri Zakir İbrahimov AZƏRTAC-a məlumat vermişdir. Bildirmişdir ki, əsas məqsəd tullantıların çeşidlənməsi işini təşkil etməkdir. Çeşidlənmə nəticəsində təkrar emala yararlı olan tullantılar müəyyənləşdiriləcəkdir. Bu pilot məntəqə olacaq və ildə 200 min ton tullantı çeşidləyəcəkdir.
Z.İbrahimov vurğulamışdır ki, hazırda Balaxanı poliqonunda əl ilə çeşidlənmə təşkil olunmuşdur. Lakin təkrar emala yararlı tullantıların faizini artırmaq üçün belə məntəqələrin olması vacibdir.
Bölmənin digər xəbərləri
