BANM tələbəsi ABŞ Universitetindən 100 min dollarlıq təqaüd qazanıb
Bakı, 11 iyun, AZƏRTAC
SOCAR-ın Bakı Ali Neft Məktəbinin (BANM) kimya mühəndisliyi ixtisasının tələbəsi Gülşən Məmmədli ABŞ-ın nüfuzlu Tulane Universitetinin kimya və biomolekulyar mühəndislik ixtisası üzrə birbaşa doktorantura proqramına qəbul olunub.
Bu barədə AZƏRTAC-a ali məktəbdən məlumat verilib.
Gülşən bu proqram çərçivəsində illik 100 min ABŞ dolları məbləğində təqaüd qazanıb.
Bundan başqa, Nyu-York Universitetinin Tandon Mühəndislik Məktəbindən kimya mühəndisliyi, İngiltərənin Lids Universitetindən isə kimya mühəndisliyi ixtisası üzrə magistr proqramlarına qəbul alıb.
Gülşən 2020-ci ildə BANM-ə 658 balla daxil olub.
“Green Tech” startap və yaşıl texnologiyalar üzrə keçirilən müsabiqədə komandası ilə l yerə layiq görülüb.
BANM-də keçirilən Tələbə və Gənc Tədqiqatçıların V Beynəlxalq Elmi Konfransında II yerə, IV elmi konfransda isə komandası ilə III yerə layiq görülüb.
2023-cü ildə “AQA Şirkətlər Qrupu” tərəfindən elan edilmiş qadınlar üçün təqaüd proqramının qalibi olub.
Bölmənin digər xəbərləri
