Barselonada qadın sürücü avtomobili izdihamın üzərinə sürüb, 13 nəfər xəsarət alıb
Berlin, 16 may, AZƏRTAC
İspaniyanın Barselona şəhərində keçirilən futbol matçı zamanı ciddi insident yaşanıb.
AZƏRTAC xəbər verir ki, “Espanyol” və “Barselona” komandaları arasında baş tutan derbi ərəfəsində stadionun yaxınlığında avtomobil insanların üzərinə sürülüb. Hadisə nəticəsində 13 nəfər xəsarət alıb.
Polis hadisənin qəsdən törədilmiş hücum deyil, qəza olduğunu açıqlayıb. İspaniyanın Kataloniya bölgəsinin regional rəhbəri Salvador İlla da hadisənin bilərəkdən törədilmədiyini bildirib. İlkin ehtimala görə, hadisə qadın sürücünün idarəetməni itirməsi nəticəsində baş verib.
Hadisə ilə əlaqədar “Espanyol” - “Barselona” görüşündə qısa müddətə dayandırılsa da, sonradan oyun davam etdirilib.
Elvin Mövsüm
AZƏRTAC-ın xüsusi müxbiri
Berlin
Bölmənin digər xəbərləri
